2015 جىلعى 20 ءساۋىر, استانا قالاسى
الەۋمەتتىك قىزمەتكەرلەر ماماندىقتارىنىڭ تىزبەسىن, ولاردى دايارلاۋ مەن بىلىكتىلىگىن ارتتىرۋ ستاندارتتارىن بەكىتۋ تۋرالى
«ارناۋلى الەۋمەتتىك قىزمەتتەر تۋرالى» 2008 جىلعى 29 جەلتوقسانداعى قازاقستان رەسپۋبليكاسى زاڭىنىڭ 10-بابىنىڭ 4) تارماقشاسىنا سايكەس بۇيىرامىن:
1. مىنالار:
1) وسى بۇيرىققا 1-قوسىمشاعا سايكەس الەۋمەتتىك قىزمەتكەرلەر ماماندىقتارىنىڭ تىزبەسى;
2) وسى بۇيرىققا 2-قوسىمشاعا سايكەس الەۋمەتتىك قىزمەتكەرلەردى دايارلاۋ جانە بىلىكتىلىگىن ارتتىرۋ ستاندارتتارى بەكىتىلسىن.
2. جوعارى, جوعارى وقۋ ورنىنان كەيىنگى ءبىلىم جانە حالىقارالىق ىنتىماقتاستىق دەپارتامەنتى (ج.ق. شايماردانوۆ) زاڭنامادا بەلگىلەنگەن تارتiپپەن:
1) وسى بۇيرىقتىڭ قازاقستان رەسپۋبليكاسى ادiلەت مينيسترلiگiندە مەملەكەتتiك تiركەلۋىن;
2) قازاقستان رەسپۋبليكاسى ادىلەت مينيسترلىگىندە مەملەكەتتiك تiركەۋدەن وتكەننەن كەيىن وسى بۇيرىقتى رەسمي جاريالاۋدى;
3) وسى بۇيرىقتى قازاقستان رەسپۋبليكاسى ءبىلىم جانە عىلىم مينيسترلىگىنىڭ رەسمي ينتەرنەت-رەسۋرسىندا ورنالاستىرۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ ءبىلىم جانە عىلىم ۆيتسە-ءمينيسترى ت.و. بالىقباەۆقا جۇكتەلسىن.
4. وسى بۇيرىق العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.
مينيستر ا.ءسارىنجىپوۆ
قازاقستان رەسپۋبليكاسى ءبىلىم جانە عىلىم ءمينيسترىنىڭ
2015 جىلعى 20 ساۋىردەگى №220 بۇيرىعىنا 1-قوسىمشا
الەۋمەتتىك قىزمەتكەرلەر ماماندىقتارىنىڭ تىزبەسى
كود بەيىندى ءبىلىم, ماماندىقتار مەن كاسىپتەر اتاۋى
1. تەحنيكالىق, كاسىپتىك جانە ورتا بىلىمنەن كەيىنگى ماماندىقتار*
0500000 - سەرۆيس, ەكونوميكا جانە باسقارۋ
0501013 الەۋمەتتىك جۇمىس بويىنشا مامان
0501023 حالىقتى الەۋمەتتىك قورعاۋ ۇيىمدارىنداعى مامان
2. جوعارى جانە جوعارى وقۋ ورنىنان كەيىنگى ماماندىقتار*
ءبىلىم
5ۆ010200 باستاۋىشتا وقىتۋ پەداگوگيكاسى مەن ادىستەمەسى
5ۆ010300 پەداگوگيكا جانە پسيحولوگيا
5ۆ010500 دەفەكتولوگيا
5ۆ010100 مەكتەپكە دەيىنگى وقىتۋ جانە تاربيەلەۋ
5 . الەۋمەتتىك عىلىمدار, ەكونوميكا جانە بيزنەس
5ۆ050100 الەۋمەتتانۋ
5ۆ050300 پسيحولوگيا
5ۆ050600 ەكونوميكا
9. قىزمەت كورسەتۋ
5ۆ090500 الەۋمەتتىك جۇمىس
6م090500 الەۋمەتتىك جۇمىس
6D090500 الەۋمەتتىك جۇمىس
11. دەنساۋلىق ساقتاۋ جانە الەۋمەتتىك قامتاماسىز ەتۋ (مەديتسينا)
5ۆ110100 مەيىربيكە ءىسى
6م110300 مەيىربيكە ءىسى
5ۆ110200 قوعامدىق دەنساۋلىق ساقتاۋ
13. دەنساۋلىق ساقتاۋ جانە الەۋمەتتىك قامتاماسىز ەتۋ (مەديتسينا)
5S130100 جالپى مەديتسينا
ەسكەرتپە: *تىزبەگە 2009 جىلعى 20 ناۋرىزداعى № 131-ود جوعارى جانە جوعارى وقۋ ورنىنان كەيىنگى ماماندىقتار جىكتەۋىشى جانە 2008 جىلعى 3 ماۋسىمداعى № 273-ود تەحنيكالىق جانە كاسىپتىك, ورتا بىلىمنەن كەيىنگى ءبىلىم كاسىپتەرى مەن ماماندىقتار جىكتەۋىشى نەگىزىندە الەۋمەتتىك قىزمەتكەرلەردى دايارلاۋ جانە بىلىكتىلىگىن ارتتىرۋ ءۇشىن ۇسىنىلاتىن ماماندىقتار ەندى.
قازاقستان رەسپۋبليكاسى ءبىلىم جانە عىلىم ءمينيسترىنىڭ
2015 جىلعى 20 ساۋىردەگى №220 بۇيرىعىنا 2-قوسىمشا
الەۋمەتتىك قىزمەتكەرلەردى دايارلاۋ جانە بىلىكتىلىگىن ارتتىرۋ ستاندارتتارى
1. جالپى ەرەجە
1. الەۋمەتتىك قىزمەتكەرلەردى دايارلاۋ جانە بىلىكتىلىگىن ارتتىرۋ ستاندارتتارى (ستاندارت) «ءبىلىم تۋرالى» 2007 جىلعى 27 شىلدەدەگى قازاقستان رەسپۋبليكاسىنىڭ زاڭىنا, «ارناۋلى الەۋمەتتىك قىزمەتتەر تۋرالى» 2008 جىلعى 29 جەلتوقسانداعى قازاقستان رەسپۋبليكاسىنىڭ زاڭىنا, «ءبىلىم بەرۋدىڭ ءتيىستى دەڭگەيلەرىنىڭ مەملەكەتتىك جالپىعا مىندەتتى ءبىلىم بەرۋ ستاندارتتارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2012 جىلعى 23 تامىزداعى № 1080 قاۋلىسىنا, قازاقستان رەسپۋبليكاسى ەڭبەك كودەكسىنە, قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ ءمينيسترىنىڭ 2012 جىلعى 2 اقپانداعى № 31-ءو-م بۇيرىعىمەن بەكىتىلگەن حالىقتى الەۋمەتتىك قورعاۋ جانە جۇمىسپەن قامتۋ جۇيەسى باسشىلارىنىڭ, ماماندارىنىڭ جانە باسقا دا قىزمەتشىلەرى لاۋازىمدارىنىڭ ۇلگىلىك بىلىكتىلىك سيپاتتامالارىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 7442 تىركەلدى) سايكەس ازىرلەندى.
2. الەۋمەتتىك قىزمەتكەرلەردى دايىنداۋ «ءبىلىم تۋرالى» 2007 جىلعى 27 شىلدەدەگى قازاقستان رەسپۋبليكاسىنىڭ زاڭىنا, «ءبىلىم بەرۋدىڭ ءتيىستى دەڭگەيلەرىنىڭ مەملەكەتتىك جالپىعا مىندەتتى ءبىلىم بەرۋ ستاندارتتارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2012 جىلعى 23 تامىزداعى № 1080 قاۋلىسىنا, «تەحنيكالىق جانە كاسىپتىك ءبىلىم بەرۋ ماماندىقتارى بويىنشا ۇلگىلىك وقۋ باعدارلامالارى مەن ۇلگىلىك وقۋ جوسپارلارىن بەكىتۋ تۋرالى» قازاقستان رەسپۋبليكاسى ءبىلىم جانە عىلىم مينيسترلىگىنىڭ 2013 جىلعى 24 ساۋىردەگى № 150 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 8489 تىركەلدى), قازاقستان رەسپۋبليكاسى ۇكىمەتىنىڭ 2013 جىلعى 17 مامىرداعى № 499 قاۋلىسىمەن بەكىتىلگەن جوعارى جانە جوعارى وقۋ ورنىنان كەيىنگى ءبىلىم بەرۋ ۇيىمدارى قىزمەتىنىڭ ۇلگىلىك قاعيدالارىنا, ۇلگىلىك وقۋ جوسپارلارىنا سايكەس جۇزەگە اسىرىلادى.
3. وسى ستاندارتتار الەۋمەتتىك قىزمەتكەرلەردىڭ ساپاسىن ارتتىرۋىنا قويىلاتىن تالاپتاردى رەتتەيدى جانە وقىتۋدىڭ مەرزىمدەرى مەن ۇزاقتىعىن, تىڭداۋشىلاردىڭ وقىتۋعا قويىلاتىن تالاپتارىن انىقتاۋىن, بىلىكتىلىكتى ارتتىرۋدى ۇيىمداستىرۋدىڭ تۇرلەرىن قامتيتىن الەۋمەتتىك قىزمەتكەرلەردىڭ بىلىكتىلىگىن ارتتىرۋ ءتارتىبىن قاراستىرادى.
4. ستاندارت ەرەجەلەرىن قازاقستان رەسپۋبليكاسىندا مەنشىك نىسانىنا, ۆەدومستۆولىق باعىنىشتىلىعىنا جانە ۇيىمداستىرۋ-قۇقىقتىق نىسانىنا قاراماستان الەۋمەتتىك قىزمەتكەرلەردىڭ بىلىكتىلىگىن ارتتىرۋدى جۇزەگە اسىراتىن مەكەمەلەر مەن ۇيىمدار قولدانۋعا جانە ساقتاۋعا مىندەتتى.
5. وسى ستاندارتتا كەلەسى نەگىزگى ۇعىمدار قولدانىلادى:
1) بىلىكتىلىكتى ارتتىرۋ-بۇرىن الىنعان كاسىپتىك ءبىلىمدى, ىسكەرلىك پەن داعدىنى قولداۋعا, كەڭەيتۋگە, تەرەڭدەتۋگە جانە جەتىلدىرۋگە مۇمكىندىك بەرەتىن كاسىپتىك وقىتۋدىڭ نىسانى;
2) بىلىكتىلىكتى ارتتىرۋ مەكەمەلەرى جانە ۇيىمدارى (بۇدان ءارى-ۇيىم)-كاسىپتىك ءبىلىم مەن داعدىنى تەرەڭدەتۋ ماقساتىندا الەۋمەتتىك قىزمەتكەرلەردىڭ كاسىپتىك بىلىكتىلىگىن ارتتىرۋ بويىنشا ءبىلىم بەرۋ وقۋ باعدارلامالارىن ىسكە اسىراتىن, الەۋمەتتىك جۇمىستىڭ تيىمدىلىگىن قامتاماسىز ەتەتىن الەۋمەتتىك سالاداعى يننوۆاتسيالىق پروتسەستەردى قولداۋدى جۇزەگە اسىراتىن ۇيىم;
3) الەۋمەتتىك قىزمەتكەر-ارنايى الەۋمەتتىك قىزمەت كورسەتەتىن جانە (نەمەسە) ارنايى الەۋمەتتىك قىزمەت كورسەتۋدە قاجەتتىلىكتى باعالاۋدى جانە انىقتاۋدى جۇزەگە اسىراتىن, بەكىتىلگەن تالاپتارعا سايكەس كەلەتىن قاجەتتى ماماندىققا يە قىزمەتكەر;
4) تىڭداۋشىلار-بىلىكتىلىكتى ارتتىرۋدى وتەتىن الەۋمەتتىك قىزمەتكەرلەر;
5) تاپسىرما بەرۋشى-بىلىكتىلىكتى ارتتىرۋعا بايلانىستى قىزمەت كورسەتۋگە تاپسىرىستى جۇزەگە اسىراتىن جەكە نەمەسە زاڭدى تۇلعا;
6. بىلىكتىلىكتى ارتتىرۋ ۇيىمدارىنىڭ تۇرلەرى:
1) ەڭبەك, الەۋمەتتىك قورعاۋ جانە كوشى-قون كوميتەتىنىڭ وبلىستىق دەپارتامەنتتەرى, دەنساۋلىق ساقتاۋ باسقارمالارى;
2) وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارمالارى, وبلىستىق ماڭىزى بار قالالاردىڭ اۋدانداردىڭ جۇمىسپەن قامتۋ جانە الەۋمەتتىك باعدارلاما بولىمدەرى;
3) بىلىكتى مامانداردى تارتا وتىرىپ, ارنايى الەۋمەتتىك قىزمەتتەردى ۇسىناتىن ۇيىمدار;
4) تەحنيكالىق جانە كاسىپتىك, ورتا بىلىمنەن كەيىنگى, جوعارى جانە قوسىمشا كاسىپتىك ءبىلىمنىڭ ءبىلىم بەرۋ باعدارلامالارىن ىسكە اسىراتىن ءبىلىم بەرۋ مەكەمەلەرى;
5) مەنشىك نىسانىنا قاراماستان ءبىلىم بەرۋ وقۋ باعدارلامالارىن ىسكە اسىراتىن الەۋمەتتىك قىزمەتكەرلەر بىلىكتىلىگىن ارتتىرۋ وقۋ ورتالىقتارى (وڭىرلىك, وڭىرارالىق, سالالىق).
2. الەۋمەتتىك قىزمەتكەرلەردى دايارلاۋ جانە بىلىكتىلىگىن ارتتىرۋ ستاندارتتارى
7. الەۋمەتتىك قىزمەتكەرلەردىڭ بىلىكتىلىگىن ارتتىرۋدىڭ ماقساتى مەن مىندەتتەرى:
1) كاسىبي ءبىلىمىن تەرەڭدەتۋ مەن جاڭارتۋ;
2) پراكتيكالىق داعدىلارىن جەتىلدىرۋ;
3) زاماناۋي تالاپتارعا سايكەس كەلەتىن كاسىبي قۇزىرەتتىلىگىن دامىتۋ;
4) عىلىمنىڭ زاماناۋي جەتىستىكتەرىن جانە الەۋمەتتىك جۇمىستىڭ پراكتيكالىق شەتەلدىك جانە وتاندىق تاجىريبەسىن زەردەلەۋ;
5) كاسىبي قىزمەتتە جاڭارتىلعان تەوريالىق بىلىمدەردى بەلسەندى تۇردە قولدانۋ.
8. بىلىكتىلىكتى ارتتىرۋ وقۋ سەمينارلارى, كۋرستار-سەمينارلار جانە الەۋمەتتىك جۇمىس مەكتەپتەرى ارقىلى جۇزەگە اسىرىلادى.
9. بىلىكتىلىكتى ارتتىرۋ جۇرگىزىلەدى:
1) وندىرىستەن قول ءۇزىپ;
2) وندىرىستەن قول ۇزبەي;
3) وندىرىستەن جارتىلاي قول ءۇزىپ;
4) قاشىقتىقتان وقىتۋ تەحنولوگيالارىن قولدانۋ ارقىلى.
10. بىلىكتىلىگىن ارتتىرۋدى ۇيىمداردىڭ باسشىلارى, الەۋمەتتىك قورعاۋ مەكەمەلەرىنىڭ قۇرىلىمدىق بولىمشەلەرىنىڭ باسشىلارى, الەۋمەتتىك جۇمىس جونىندەگى ماماندار, ساراپشىلار, ارنايى الەۋمەتتىك قىزمەتتەرگە قاجەتتىلىكتى باعالاۋدى جانە انىقتاۋدى جۇزەگە اسىراتىن الەۋمەتتىك قىزمەتكەرلەر, كۇتىم بويىنشا بىلىكتىلىگى جوعارى دەڭگەيدەگى الەۋمەتتىك قىزمەتكەرلەر, زەينەتاقى مەن تولەماقىلاردى تولەۋ بويىنشا ۇيىمداردىڭ ماماندارى, ەڭبەكپەن قامتۋ ورتالىعىنىڭ (قىزمەتتىڭ) قۇرىلىمدىق بولىمشەلەردىڭ ء(بولىمنىڭ, سالانىڭ, توپتىڭ) ماماندارى, الەۋمەتتىك جۇمىس بويىنشا كونسۋلتانتتار, دارىگەرلىك امبۋلاتوريانىڭ الەۋمەتتىك قىزمەتكەرلەرى وتەدى.
11. الەۋمەتتىك قىزمەتكەرلەر بارلىق ەڭبەك قىزمەتىندە ءاربىر بەس جىل ىشىندە كەمىندە ءبىر رەت بىلىكتىلىگىن ارتتىرادى.
12. بىلىكتىلىگىن ارتتىرۋدان وتكەن قىزمەتكەرلەر جۇمىس بەرۋشىنىڭ كەلىسىمىمەن جۇمىستان بوساتىلادى نەمەسە تولىق ەمەس جۇمىس كۇنى جاعدايىندا جۇمىس اتقارادى.
13. بىلىكتىلىكتى ارتتىرۋ الەۋمەتتىك قورعاۋ, دەنساۋلىق ساقتاۋ, سونداي-اق باسقا دا مەكەمەلەرمەن, كاسىپورىندارمەن, ۇيىمدارمەن جاسالعان شارتتار نەگىزىندە جۇزەگە اسىرىلادى.
14. بىلىكتىلىكتى ارتتىرۋ بيۋدجەتتىك قاراجات, سونداي-اق ۇيىمداردىڭ تىڭداۋشىلارى وقۋ اقىسىن تولەۋدەن الىنعان قاراجاتتار ەسەبىنەن جۇزەگە اسىرىلادى.
15. وقىتۋ ۇزاقتىعى تاپسىرىس بەرۋشىنىڭ قاجەتتىلىكتەرىن ەسكەرىپ, وقۋ باعدارلامالارىنىڭ كولەمى مەن مازمۇنىنا بايلانىستى, بىراق 4 ايدان اسپايدى.
16. بىلىكتىلىكتى ارتتىرۋ الەۋمەتتىك قىزمەتكەرلەردىڭ كاسىبي بىلىمدەرى مەن پراكتيكالىق جۇمىس تاجىريبەسىن ەسكەرەتىن قوسىمشا ءبىلىم بەرۋدىڭ كاسىپتىك وقۋ باعدارلامالارى بويىنشا جۇرگىزىلەدى.
17. باعدارلاما مازمۇنى بىلىكتىلىكتى ارتتىرۋدى وتەتىن تىڭداۋشىلاردىڭ كونتينگەنتىنە بايلانىستى انىقتالادى.
18. ءدارىس ساباقتارىنىڭ كولەمى اۋديتوريالىق ساباقتاردىڭ جالپى كولەمىنىڭ 30 (وتىز) پايىزىنان ارتىق بولماۋى ءتيىس. ءبىر اكادەميالىق ساعات 45 مينۋتتى قۇرايدى.
19. ءتيىستى ءبىلىم بەرۋ باعدارلاماسىن ىسكە اسىراتىن ۇيىم ءوز بەتىنشە تاپسىرىس بەرۋشىنىڭ قاجەتتىلىكتەرىن ەسكەرىپ, وقىتۋدىڭ مەرزىمىن, نىسانىن, مازمۇنى مەن تەحنولوگياسىن انىقتايدى.
20. بىلىكتىلىكتى ارتتىرۋدىڭ وقىتۋ باعدارلامالارىن مەڭگەرۋ بالدىق جۇيە بويىنشا باعالاۋمەن تىڭداۋشىنىڭ ءتيىستى باعدارلاما بويىنشا ەمتيحان تاپسىرۋىن قاجەت ەتەتىن مىندەتتى قورىتىندى اتتەستاتتاۋمەن اياقتالادى:
1) قىسقا مەرزىمدى باعدارلامالار بويىنشا بىلىكتىلىكتى ارتتىرۋ - تەستىلەۋ نىسانداعى ەمتيحان;
2) 72 ساعاتتان ارتىق بىلىكتىلىكتى ارتتىرۋ باعدارلاماسى بويىنشا - تەستىلەۋ جانە قورىتىندى جۇمىستى قورعاۋ نىسانداعى ەمتيحان;.
21. بىلىكتىلىكتى ارتتىرۋ شەڭبەرىندە ءبىلىم العان جانە ەمتيحاندى ءساتتى تاپسىرعان تىڭداۋشىلارعا سەرتيفيكات بەرىلەدى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 20 مامىردا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11089 بولىپ ەنگىزىلدى.